23 | 07 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

2-нумрадин мектебдай кьве лауреат

РФ-дин чи уьлкведа авай посолстводи “Куьн паталди Россия вуч я?” девиздалди кьиле тухвай яратмишунрин конкурсдиз итог ягъана.
Шазан йисан ноябрдиз старт къачур и конкурсдин кьилин макьсад чи чIехи къунши тир и уьлкведин инсанар, абурун характердин кьетIенвилер, дуьнядиз зурба кхьирагар, шаирар, композиторар бахшнавай и халкьдин чIал, са девлет хьиз агалкьунар, чи халкьарин ва уьлквейрин арада авай дуствилер- са гафуналди Россия ни  гьикI кьатIузватIа чара-чара жанрийра къалурун тир.
Уьлкведин урус чIалал кхьизвай тIвар-ван авай кхьирагар, журналистар экечIнавай конкурсдин гъалибрин тIварар 25-январдиз малум хьана.
Урусатдин Информациядин ва Културадин Меркезда кьиле фейи чIехи мярекатда иштирак авур Россиядин Федерациядин Азербайжанда авай посол Владимир Дорохина конкурсдин вири иштиракчийриз вичин уьлкведиз авай чими гьиссериз, муьгьуьббатдиз, канивилиз килигна разивал малумарна.
-Гъалибар арадал акъуддайла пара четинвилел расалмиш хьана чун, - къейдна ада,-куьз лагьайтIа, чал ракъурнавай вири кIвалахар хъсанбур тир. ЯтIани, чун цIуд касдин винел акъвазна. Абурукай кьуд кас журналистар, кьвед кхьираг, сад муаллим, сад манидар, кьвед кIелзавайди я.
КIелзавайбурун кьведни КцIар райондай тир хьиз, кьведни  гьа са -2-нумрадин мектебдин ученикар я: Айше Пиркъулиева ва Самир Пиралиев!
Чна идалай вилик са-шумудра чара-чара конкурсрин лауреат хьайи Самир, гьакIни адан мектебдин юлдаш Айше тебрикзава.
И тебрикрин чIехи пай лагьайтIа, абурун урус чIаланни литературадин муаллим Фериде Наврузбеговадиз аватзава. Чна гьамани барка ийизва ва квехъ мадни чIехи югъурар хьурай!-лугьузва.
                                                       

            Кемале