21 | 11 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Мад са гатфар атана Чи КцIариз

ТIебиат цIийи хъхьунин, чуьлдин кIвалахрик кьил ктунин сувар- Яран Сувар! 
Яр къадим лезги йикъарганда (календарда) гатфарин сад лагьай варз я. И вацра кьиле физвай Яран Сувар чи виридалай кани, вилив хуьзвайбурукай сад я. Суварихъ галаз алакъалу дегь девиррай атанвай адетар, хейлинбур квахьнаватIани, къенин девирдани давам жезва. Абур къенибур, михьибур, герекбур туширтIа, фадлай квахьдай. Амма квахьнавач!
РагъэкъечIдай патан вири халкьари хьиз лезгийрини дегь чIаварилай инихъ гатфар алукьунин, тIебиат цIийи хъхьунин, чуьлдин кIвалахрик кьил ктунин сувар хьиз къейдзавай Яр мад КцIариз мугьман тир.
Экуьнахъ фад къарагънавай кцIарвияр адетдалди шегьердин  лап чIехи мярекаяр къейдзавай генерал Магьмуд Абилован тIварунихъ галай меркездин майдандал кIватI хьана.
Райондин крар кьилиз акъуддай властдин чIехид Шаир Алхасов кьиле аваз идара ва тешкилатрин регьберар, жегьилар, аялар виликдамаз гьазурнавай зурба гургурдин къерехдиз атана.
Гила балкIанар машинри эвеззава. Шазандалай кьил кутуна Гатфар ханум майдандиз лацу балкIанар ктIуннавай файтондин чкадал лацу машиндаваз къвезва. Мадни хъсан!
Ингье, машин майдандиз гьахьна. ГъвечIи-чIехида-вирида гурлу капар ягъана. Гатфар ханум эвичIна сегьнеда вичин чка кьуна, жемятдив суварин тебрикар агакьарна.
Ахпа жегьилри Яран цIаяр куькIуьрна. Майдан кьуьлерзавайбурун, манияр лугьузвайбурун, пагьливанрин, гужар синемишзавайбурун ихтиярдиз гана.
Райондин чIехида агъсакъалриз, жегьилриз, аялариз Яран Сувар мубаракна, виридиз чандин сагъвал, Ватандиз ислягьвал ва мублагьвал тIалабна.
Чара-чара тIямрив ацIанвай Яран суфрайрик агатайбуру милли тIуьнрин дадиниз килигна.
КцIара мад са Яран Сувар шад гьалара кьиле фена.