21 | 11 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

ЧIални эдебият чирзавай сайт

20-апрелдиз "Лезги чIал" (www.lezgichal.ru) сайт кардик акатайдалай инихъ пуд йис тамам хьанва.  Пуд йисан вахтунда сайтди чархачиди хьиз, лезги халкьдив чIалакайни литературадикай гзаф малуматар агакьарна ва и кар гележегдани йигин камаралди давамардай къаст ава. Сир туш, алай вахтунда дуьнядин вири пипIера авайижзавай затIар вири лезгидалди тир ихьтин сайтдиз тешпигь маса сайт лезгинетдай жагъидач. Метлеблу материалралди югъ-къандивай артух жезвай сайт алай вахтунда хъсан, лайихлу, дамахлу дережадив агакьнава.
Сайтдикай менфят къачузвайбурувай чи халкьдин тlвар-ван авай зарийрикай (алатай ва алай девирдин) малуматар, абурун яратмишунар кlелиз жеда. Менфят къачунин асантвал патал сайт са шумуд хилез пайнава: "ЧIал", "Зарияр", "Махар", "Шарвили", "Манияр", "Мисалар", "Макъалаяр", "Келимаяр", "Мискlалар", "Тlварар" ва масабур. "Ктабрин кlваляй" хайи чlалаз, эдебиятдиз, тарихдиз ва масабуруз талукь тир къиметлу хейлин ктабрин электрон жуьрейрикай менфят къачуз жеда.
Видеотека, электрон жуьредин тестер, хуьрерин шикилар-вири куьн паталди я.  
"Лезги чIал" сайтди вилик эцигнавай макьсад хайи литература халкьдин гегьенш къатариз чукlурун, сайтда раижзавай малуматар вири анжах лезги чIалалди гун я.
Сайтдин гьакъиндай метлеблу теклифар, меслятар къалурдайбур хьайитIани чаз хвеши жеда. ЧIалахъ я хьи, ишлемишчияр сайтдилай рази яз амукьзава. Ихьтин рафтарвилер гележегдани хуьз алахъда.

Орхан МИРЗАЛИЕВ,
Куругъли КЪАЛАЖУХви