15 | 12 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

ГъвечIи тамашачийриз каникулрин савкьват

Театрдин тамашадин режиссёрдин ва актёррин алакьунар тамашачийрин алхишралди алцумзавайди я. Пердедин эхирда тамашачийри ягъазвай капарин ваъ, элкъвена сегьнедин кьулухъ хквезвай актеррин чекмейрин ван къвезватIа, тамаша югъурдинди гьисабиз жедач.
Ноябрдин гуьгъуьнин йикъара Гьукуматдин КцIарин Лезги Драм Театрдин зал саки гьар юкъуз цIикьацIик ацIанвай. Гьеле ара чкайра стулар эцигна ацукьнавайбурни тIимил тушир. ГъвечIи тамашачийрин гьарай-эвердин, алхишрин ванер къецелни кваз акъатзавай.
Театрдин коллективди кIелзавайбурун зулун татIилриз савкьат яз гьазурнавай "Мад хъийидач" тIвар алай тамаша вижевайди, югъурлуди акъатнавай.
Жегьил драматург Реван Тогьидогълуди гьа ихьтин тIвар алаз къелемдиз къачунвай тамашадин персонажар чи махарин суьжетрин къагьриманар-Дев (Намик Мустафаев), Юкь шуькIуь къари (Кифает Юсифова), Сев (Мирзегьмед Салманов), КицI (Элнур Гьажиев) ва гьелбетда, Сервиназ (Лале Къурбанова), Орхан (Элнур Гьажиев) я.
Тамашадиз къурулуш гайиди Азербайжан Республикадин културадин лайих авай кIвалахдар, Дагъустан Республикадин лайих  авай артист Лалезар Гьуьсейнова, чIугар Марина Магьмудова, манияр кIватIайди Шаик Къардашов я.
Чна  театрдин коллектив ихьтин хъсан тамаша арадал гъуниз килигна рикIивай тебрикзава, "Гьа икI давама!",- лугьузва.      
                        

Кемале