21 | 11 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Чи мехъерар, мелер сад я...

Гзаф халкьаринни миллетрин Ватан тир Азербайжан абур динждаказ рекье финалди, са-садан чIалаз, адетриз, гьурмет авуналди, толерантвилелди пара девлетриз чешне жеда. Акьалтзавай несил гьа ихьтин къени традицайрин руьгьда тербия авун, чара-чара културайрин кьетIенвилер чирун ва теблигъ авун, гьакIни уьлкведин туризмадин потенциал кардик кутуна адакай менфят къачун паталди жуьреба-жуьре серенжемар кьиле тухузва.
Азербайжан Республикадин Културадин ва Туризмадин Министерстводин Хачмаз Регионал Културадин ва Туризмадин Идарадин инициативадалди региондин районрин фолклордин, гъилин сеняткаррин чешнеяр, суфрадин култура, авазар ва кьуьлерунар теблигь авун, гьакIни жемятрин ял-ягъун чешнедаказ тешкилун макьсаддалди Хачмаз, КIеле, КцIар ва Шабранда “районрин йикъар” кьиле тухунин серенжам кьабулнава.
Алатай вацра и серенжемдин бинедаллаз туькIуьрнавай программадалди Хачмазда "КцIарин югъ", КцIарани "КIеледин югъ" кьиле фена.
Хачмаз райондин Културадин меркезда тешкилнавай выставкада чи културадин, цIун кIвалин, гъилин кIвалахрин чешнейриз марагъдив килигай райондин кьиле авайбуру, сая районэгьлийри гуьгъуьналлаз кцIарви музыкантрин, манидаррин, фолклордин ансамблрин солистрин алакьунризни гьейранвилелди алхишна.
Кьве югъ гуьгъуьнай КцIариз илифнавай КIеле райондин музыкадин, културадин, фолклордин ансамблрин векилрин иштиракдалди чи райондин Културадин меркезда кьиле фейи концертни сиве-сивди ацIанвай залда кIватI хьанвай кцIарвийри хушдаказ кьабулна.
Ихьтин серенжемар гележегдани давамарун, уьлкведин маса регионризни сеферар авун фикирда кьунва.                            

“КцIар”