21 | 11 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Зурба корифейдин гьуьрметдай

18-Сентябр Милли Музыкадин Югъ сувар хьиз къейдна.
И тарихдин бине 1995-йисалай-умуммилли лидер Гьейдер Алиева и тарихда акъудай махсус указдалди чIехи композитор Уьзейир Гьажибегов дидедиз хьайи 18-сентябр Милли Музыкадин югъ яз баянарайдалай инихъ кутунва. И суварик чIехи Уьзейир бег рикIел хкин, адаз чи рикIера авай муьгьуьббатдин гьиссер мецел гъин нагьахъдай туш. Иллагь хьи, райондин харусенятдин мектебда.
Виче 375 аялди хару сенятдин чара-чара хилерай, гьакIни 9 жуьредин музыкадин инструментрай чирвилер къачузвай и мектебда и чIехи сеняткардин ирсинихъ къайгъударвилелди эгечIзава.
Вацран 18-даз Музыкадин Суварин Юкъуз мектебдин концертдин залда чIехи мярекат кьиле фена. Межлис сифте гафуналди ахъа авур директор Рейгьан Багъишовади музыкадин генийдин уьмуьр ва яратмишунрикай ихтилат кудна. Ада Уьзейир Гьажибегован  тlвар виридалай вилик чи медениятдин тарихда классикадин музыкадин бине кутурди, зурба композитор хьиз амукьнавайди, 1907-йисуз ада кхьей "Лейли ва Межнун" опера Азербайжандин музыкадин медениятдин тарихда и жанрдин сифте эсер тирди къейдна. Идан гуьгъуьналлаз ада "Шейх Сенан", "Руьстэм ва Зуьгьраб", "Шагь Аббас ва Хуршудбану", "Эсли ва Керем" операяр, "Аршин мал алан" музкомедия туькIуьрайди, гьакIни 1921-йисуз "Туьрк музыкадин мектебдин" бинедал Азербайжандин Девлетдин Консерватория арадал гъайиди лагьана.
Гуьгъуналлаз Уьзейир Гьажибегов дидедиз хьунин 132-йисаз, Милли Музыкадин йикъаз талукьарнавай  суварин концертдин программа къалурна.
Хару сенятдин мектебдин муаллимри ва кIелзавайбуру санал иштиракай концертда Уьзейир Гьажибегован ва маса лайихлу музыкантрин произведенияр тамамарна.