23 | 07 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Виридан рикIивай хьана

24-майдиз КцIарин Аялрин Хару Сенятдин Мектебда чирвилерин йисан екунриз талукьарнавай адетдин чIехи концерт кьиле фена.
Мярекатдал луькIуьнай и сенятдин макандин директор Рейгьан Багъишовади аялрин агалкьунрикай, и рекье зегьмет чIугвазвай муаллимрин къайгъударвилерикай гаф кудна, мектебдиз куьмекар къалурзавайбуруз коллективдин разивал малумарна.
Ахпа кIелунрин йиса тафаватлу хьанвай, гьакIни чара-чара конкурсра гъалибвал гъилик авунвай аялриз ва муаллимриз грамотаяр ва бахшишар гана. Абурукай чIугарвилин отделдин шагирд Хеяле Беделовадин паюниз Дашкендда кьиле фейи “Уьзбекистан азербайжанви аялрин вилералди” кункурсда лайих акур гимишдин медал ва II дережадин диплом, Аният Зекеряевадин бахтуниз културадин ва туризмадин министерстводи тешкил авур “Исламдин цивилизация аялрин вилералди” конкурсдин гъалиб хьиз диплом ва пулдин пешкеш, Бакудин Музыкадин Академияди кьиле тухвай II фестивалдин иштиракчияр- Сусан Халиловадин (фортепиано) ва Айтен Муьслуьмовадин (скрипка) кьисметдиз лауреатвилин тIварар ва талукь дипломар аватна.
Чирвилера тафаватвал къалурай аялрин чIехи са группадиз мектебдин грамотаяр ва  дипломар гана.  
Хару сенятдин мектебдин муаллимрикай ва шагирдрикай туькIвенвай коллективди тамамарай дуьнядин ва гьакIни Азербайжандин композиторрин эсерар сиве-сивди ацIанвай залда ацукьнавайбурун лап рикIивай хьана.
Хорди ифа авур “Яран сувар”, Албина Амрагьовади ва Арзу Шагьбазовади тамамарай “Къекъуьн” эсер, Айтен Муьслуьмовади тамамар авур “Азербайжан” ва “Шалохо” кьуьлерунин макьамар, Гуьнай Велихановади лагьай “Гатфар хьурай” халкьдин мани, гьакIни аялри ва абурун муаллимри ифа авур музыкадин эсерар кIватI хьанвайбуру пара чIехи марагъдив ва гурлу капарив къаршиламишна.
ГъвечIи далдамчияр, кьуьлерунин синифдин аялар сегьнедиз акъатайла залдавайбурун ругь амайдалайни хкаж хьана.
Концертмейстрди нубатдин ифачидин тIвар кьурла залда ацукьнавай чIехи несилдин векилар мягьтел амукьна: “Чуьнгуьрдал тамамарда Нуьсрет Мирзабегова!”
Чи чIехи ашукьдин тIвар эхцигнавай хтулди тамамарай ашукьрдин гьаваярни виридан рикIивай хьана.  КIватI хьанвайбур адан виртуоз ифадилай рази тирди абуру ягъазвай капарилай чир жезвай.
Концертдилай кьулухъ гъалибар ва ифачияр тебрик авур региондин културадин ва туризмадин идарадин райондин векил Давид Ибрамхалилова коллективдин югъурриз чIехи къимет гана, абур мадни мягькемарун тIалабна.                             

  “КцIар”