23 | 07 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Милли театрдин югъ

Гьукуматдин КцIарин Лезги Драмтеатрди и йикъаз “Хайи театр-144” кьил ганвай музыкадин композиция къалурна.
1873-йисан март-апрел варцара Бакуда чIехи маарифчи Гьесен бег Зердабидин ва драматург Нежеф бег Везирован инициативадалди Мирзе Фетели Ахундован "Ленкерандин хандин везир" ва "Гьажи Къара" комедияр сегьнедал эцигна. Идалди тек Азербайжанда ваъ, вири РагъэкъечIдай пата театрдин бине кутуна.
Азербайжандин Республикадин Президент женаби Илгьам Алиеван 1-март 2013-йисан серенжемдалди гьа и тарих Азербайжандин Милли Театр арадал атай югъ хьиз къейдзава.
10-мартиниз райондин културадин меркезда Азербайжандин Милли Театр арадал атунин 144 йисаз талукьарнавай мярекат кьиле фена. Гьукуматдин КцIарин Лезги Драмтеатрди и йикъаз “Хайи театр-144” кьил ганвай музыкадин композиция гьазурнавай.
Мярекат тухузвайбуру сифте театрдин тарихдикай, чи гьукуматдин театрдин сенятдиз къайгъударвиликай, уьлкведин, гьакIни цIи вич арадал атунин 25 йис тамам жезвай Гьукуматдин КцIарин Лезги Драмтеатрдин югъуррикай ихтилат кудна.
Гьа икI, "Театр ва театрдин кIвалахдин гьакъинда" Закон, 2007-йисуз "Азербайжанда театрдин сенят вилик тухунин гьакъинда" Президентдин указ кьабулнавайди, 2009-йисан 18-майдиз девлетдин башчиди "Азербайжандин театр 2009-2019-йисариз" Девлетдин Программа тестикьарнавайди къейдна.
Вич арадал атун муаллим-драматург Мирзали Руьстемован “Садаз паб, садаз таб” комедиядив лишанлу авур Гьукуматдин КцIарин Лезги Драмтеатрди  къениндалди 65-даз мукьва тамаша сегьнедал эцигнава. Шазан йисуз тетрдин коллектив чи республикада, гьакIни Дагъустандин са шумуд районда, Москва шегьерда гостролрин сеферра хьанва.
Хачмазин региондин културадин ва туризмадин отделдин райондин векил Давид Ибрамхелилова театрдин коллектив, гьакIни и сенят канибур тебрикна, садбуруз яратмишунин агалкьунар, муькуьбуруз хъсан ял ягъадай вядеяр тIалабна.
Ахпа “Хайи театр-144” кьил ганвай музыкадин композиция къалурна. Тетрдин гьевескарри Уьзейир Гьажибегован “Аршин мал алан” опереттадай, Мирзали Руьстемован “ЦIийи завмаг” тамашадай чIукариз, гьакIни Фаикъ Къардашова туькIуьнавай “Мултикултурал ивирар” тIвар алай композициядиз марагъдив килигна.  

“КцIар”