26 | 09 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Мадни кьакьан тIварар мурадзава!

30-июндиз чи районда Гьукуматдин КцIарин Лезги Драмтеатр арадал атунин 25 йисан юбилей чIехи сувар саягъда кьиле тухвана. Райондин меркездин културадин сарайда кьиле фейи юбилейдин мярекатдал рахай Азербайжандин Културадин ва туризмадин министр Абуьлфес Къараева сифте театрдин тарихдикай, чи гьукуматдин театрдин сенятдиз къайгъударвиликай, уьлкведин, гьакIни цIи вич арадал атунин 25 йис тамам жезвай Гьукуматдин КцIарин Лезги Драмтеатрдин югъуррикай ихтилат кудна.
Гьукуматдин КцIарин Лезги Драмтеатрди  къениндалди 110-даз мукьва тамаша сегьнедал эцигнавайди къейд авур министрди коллективдин чи республикада, гьакIни Дагъустанда, Москва шегьерда гостролрин сеферра хьунни чи сегьнедин култура лезги чIалалди теблигъ авунин хъсан чешне тирди лагьана.
Министрди гьа мярекатдал вичин указдалди театрдин сенят вилик тухунин карда гьакъисагъ зегьметдиз килигна  “Културадин Почётдин КIвалахдар" хурун лишандиз лайих акунвай пуд актердиз чпин шабагьар такьдим авуна.
Ингье абур: Гьесрет Нуьсретан хва Насруллаев (эрчIи гъилихъ), Кифает Малладин руш Юсифова ва Ялчин Энверан хва Къараханов.
“Чна чи сегьнедин устIадар тебрикзава, абурухъ яратмишунрин хиле мадни чIехи кукIушар хьун мурадзава.            

  “КцIар”