15 | 12 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Мирзебегов стхайрин нубатдин агалкьун

Чи ватанэгьлийрин -Агъа Лакар хуьряй тир Фарид ва Равид Мирзебегов стхайрин агалкьунрикай чи газетда са шумудра малуматар ганай. Спортдин къайда авачир жуьредай женг тухунин рехъ хкягънавай кьегьал лакарвийри икьван гагьда чи республикада, гьакIни са шумуд къецепатан уьлквейра кьиле фейи акъажунра вили кьадай нетижаяр гъиликнава.
Чпин устIарвилер югъ-къандивай артухарзавай Мирзебегов стхайри алатай вацра Бакуда тешкилнавай Азербайжандин Пешекар Женгчийрин сад лагьай чемпионатда иштиракна.
Жегьилрин ва спортдин министерстводин, "ЛекI" Пешекар Спортдин Клубдин тешкилатчивилелди кьиле фейи и чемпионатдиз "Къарабагъ" ширкетди спонсорвал авунва.
Чпин вири акъажунар гъалибвилелди кьилиз акъудай Равид 75 килограмдин, Фаридни 80 килограмдин заланвиле турнирдин кьилин призрин иесияр хьанва.
ТIебии, стхайриз спонсоррин патай талукь тир пулдин бахшишар ва савкьватарни гана.
Чна Мирзебегов стхаяр барка ийизва ва абурухъ мадни кьакьан кукIушар хьун мурадзава.
Шикилда: Мирзебегов стхаяр женгинилай кьулухъ (яру пекер алайбур).