15 | 12 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Арабхана виридан гьайиф хкудна

Тавузда республикадин ХI къугъунрин программадик акатзавай агакьнавай аялрин арада жуьдодин турнир кьилиз акъатна.
Гьуьжетунрик 28 шегьер ва райондай атанвай спортсменар экечIнавай. И акъажунра КцIарин Аялринни Женгьилрин Спортдин Мектебдин 5 пагьливандини чпин гужар синемишна.
42 килограмдин заланвиле бягьс тухвай Рафаил Зейналован ва Осман Меликован нетижаяр хъсанбур хьанач. Сад лагьайди гьа сифте акъажуна кумукьна. Осман, гьакIни 60 килограмда татамидал экъечIай Амрагь Мурадов кьве гъалибвал гъиликнатIани, гуьгъуьнай кумукьна медалрикай магьрум хьана.
55 килограмдин заланвиле кьуршах кьазвай Элдар Абдуллаевахъ чи умудар пара тиртIани, я яргъал рекьин юргъунвал, яни вичин рагъиб гьисаба такьун  себеб яз амни финалдиз са кам амаз кумукьна ва анжах III чкадин иеси хьана.
Абурун эвез 46 килограмда кьуд михьи гъалибвилелди сад лагьай чка кьур Арабхан Рамазанова хкудна.
Шикилда: Арабхан Рамазанов (I чкадал алайди).
Жарулла ШИНГЪАРОВ, Лайих авай тренер