15 | 12 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Адан илгьамдин чешме чи фолклор ва хайи тIебиат я

Мамедханова Регьима Гьесенан руш 1979- йисуз чи райондин Вини ТIигьиржал хуьре дидедиз хьана. Аял чIавуз хизандихъ галаз Бакудиз куьч хьайи Рагьимадин шикилар чIугунал гьеле бахчадамаз гзаф рикI алай. Аялвилин гьиссери адан хиялда кIевидаказ муг авунвай. Мурадри ам, са четинвилизни килиг тавуна, гележегда са пешекар художник хьиз, вичин рикI алай сенят хкягъунал гъана. Юкьван школа Бакуда куьтягьнаватIани, адан хиялдай гьамиша хайи хуьруьн иер тIебиат, ана авай зегьметчи инсанар карагзавай. Ада, вичин бязи эсерар хуьруьз бахш авуни и кар мадни субутзава.
Регьимади 2003-йисуз Азербайжан Гьукуматдин Художниквилин Академия, 2005 йисуз и академиядин магистратура акьалтIарна. 2005 йисалай Азербайжандин Художникрин Союздин, 2006 йисалай Азербайжандин Карикатурачи Художникрин КIватIалдин, гьакIни ФЕКО -дин (Карикатурачи Художникрин Вирихалкьарин Ассоциация) Азербайжан группадин уьзвуь я.
2000-йисалай инихъ са шумуд уьлкведин жуьреба-жуьре выставкайра иштирак авур Рагьима ханумдин эсерар диплом ва грамотайриз лайих акунва.
Ктабрин графикадин рекьяйни чирвилер къачур Рагьима Мамедхановади алай чIавуз жуьребажуьре чапханайрихъ галаз  икьрардиз атана абурун ктабрин художниквилин крар кьилиз акъудзава. Адан гъилин зегьметдин нетижаяр тир дуьнядин ва халкьдин литературадин тематикада чIугунвай композицийри вишералди ктабрин винел чкалра, гьакIни чинра чка кьунва.
Алай вахтунда Азербайжандин Художниквилин Академиядин къвалав Харусенятдин Коллежда муаллимвал авунихъ галаз санал, Рагьима ханумди и сенятдин маканда бязи мярекатар, выставкаярни тешкилзава.
 Алакьунар авай муаллим, пешекар художник тир чи ватанэгьлидихъ гележегдин мадни чIехи мурадар ава. Кьве эвлед тербия ийизвай Рагьимадиз чна а мурадар кьилиз акъуддай чандин сагъвал, мадни чIехи агалкьунар тIалабзава.                                   

Юсиф Халилов