23 | 07 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Зи шиирар бегенмиш ятIа...

Зун Межидова Лейла Элчинан руш 1996-йисуз Чипир хуьре дидедиз хьанва.  Исятда хуьруьн мектебдин 10-синифда кlелзава. Лезги шаир, чаз дидед чlалан тарсар гузвай Фейзулла муаллим себеб яз шиирдиз, эдебиятдиз чlехи гьевес хьанва захъ.
Зи шиирар квез бегенмиш хьайитlа, газетда чап авун хагьишзава.

 

 

 Физава аскер


Вун физава аскервилиз
Хъсан рехъ хьурай!
Анай вуна, я чан стха,
Шад хабар гъурай.

Кьегьалвилив физва вун
Хьанва къе аскер,
Кьегьал язни хтурай вун
Чиник галаз хъвер.

Кьил вине яхъ гьамиша на,
Жез тахьуй гьахъсуз.
Фад хъша вун вил рекьеллаз,
Тамир чун ялгъуз.

Къе кlватl хьана чун вири
Тваз ава рекье,
Фикир мийир са куьнкайни,
Яхъ на кьил вине.

Мукьва-кьили мад кlватl жеда
Хтай чlавуз вун.
Ахъа пелек мили хъвер кваз,
Шадар хъия чун.


          Лацу лиф

Ислягьвилин вун я лишан,
Шадвал гъизва на гьамиша.
Садран тахьуй вун перишан,
Шад атуй ви ван, лацу лиф.

Вун элкъвезва кlвалерилай,
Хабар гъиз мел-мехъерикай.
Вун рикlиз хуш эллерикай,
Ийимир хъел чан, лацу лиф.

Ацукьа вун таран хилел,
Акъатда зун Чархид пелел.
Вуна гел тур лезги чилел,
За вун рикlе тан, лацу лиф.

Вун акурла жеда зун шад,
Вун хьиз иерд авани мад?
Лейладин рикl тавуна пад,
Ша виликай хан, лацу лиф.


        Эрекь

Гьикьван вун гъавурда тваз
Алахъайтlани чун,
Гьамиша гьахъ аквад ваз,
Бутылкадай эрекь хъун.

Гвай кьве чlулав кепекни
Эрекь патал гуз,
Агъу хьтин эрекь хъваз,
Жуван къенер куз.

Акъатайла кимел чи
Вал хъуьрез жеда,
Гана пулни эрекьдик,
Кlвале вуч неда?

Эрекьди ваз садрани
Гудай туш хийир,
Я залум мад агакьнава
Уьмуьрдин эхир.

Ярх жезава рекьерал
Амачиз хабар.
Экуьнахъ ви леш жагъида,
Са кама таракай.

Хизандин кьил чиле тваз
Гьич регъуь жезвачни ваз?
Валлагь ви гьал акурла,
Кьве къат регъуь жезва заз.