23 | 07 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Лезги Радио: рикlин дамах, чи руьгьерин манини мах!

Алай девирда, интернетди чи яшайишда актив рол кугъвазва. Гзаф малуматар кlватlуналди, вири дуьняда яшамишзавай инсанар сад садаз мукьва ийизва ада.
Эхиримжи вахтара интернетда лезгийрин сайтар, форумарни гзаф пайда жезва.  "Лезгины-гордость Кавказа", "Кусары, мой край родной", "Лезгины всего мира", "Глобальный лезгинский форум", "Lezgi-Лезгины-Lяzgilяr", "Зи лезги халкь" ва масабур къалуриз жеда.
И сайтарин, форумрин макьсад чи халкьдин меденият, адетар, хайи чlал вини дережадиз акъудун, пакдиз хуьн ва гележег несилрив агакьарун я. Гьакlни иштиракчийрин санни югъ-къандавай артух жезва. Абурун чlехи пай жегьилар я.

 


Интернетдикай менфят къачуналди  къецепатан уьлквейра     уьмуьрзавайбурузни хайи чIалахъ, медениятдихъ галаз мукьувай таниш жедай мумкинвал жезва.
Рахунра виридалай пара хкажзавай месэлайрикай сад - хайи чlал я. Ам течизвай лезгийриз - чирун, чизвайбуруни- лап мягькемарун герек я. Тек са чирвилер ваъ, гьамни чи халкьдиз, хайи чlалаз муьгьуьббат, гьуьрмет хкажиз эверзава, - ватанперес жегьилри.
 Ингье и мукьвара интернетда са кьетIен кар мадни хьанва. Алай вахтунда Татарстанда кIелзавай  лезги студентди - Гьарунви Руслана, кьиле Руьвшен Мурадов ва маса хайи чlалал рикl алай жегьилар аваз  са социалный сетда лезги радио арадал гъанва. И радио яратмишунин фикир гьинай атанватlа, чаз ам туькlуьрнавай кьегьалди сир ахъайна:
- Чаз са планни авачир. Вучиз лагьайтlа, там чlалахъ тир хьи, чи Турцияда авай стхайри ам чалай вилик арадиз гъида. Амма акуна хьи,  абур гзаф машгъул я, и кар кьиле тухун чи хиве гьатна.
- Радио туькlуьруниз куьмек гайибур хьанани?
- Доменни хостинг чаз пул галачиз тешкилайди narod.ru сайт хьана. Ва эхир проект арадиз атайла, радиодик яб акалзавайбурун сел  фена. Абур хейли гзаф тир.
Чи лезгийриз са радиони авач лугьуз, чна адан тlвар "Лезги радио" туна.
Ахпагьан этап - цlийи дизайндал, домендал ва логотипдал фин тир. Ибур вири багьа  кьилиз акьатзай. Гьар  жуьредин рекьерив пул кlватlуниз мажбур хьана. И идеядал рази тахьай лезгиярни авай. Лазими кьадар пул кlватlун кумаздини, гьасятда http:// lezgi.fm/.  домен къачуна.
Дизайн туькlуьрунин карда Руьвшен Мурадован куьмек пара хьана. Логотипдал  Расим Азимова зегьмет чlугуна. Идалай вилик Бакудани сад радио туькlуьриз къелкъвенай, амма а проект гьа сифтедилай агалуниз мажбур хьана.
Пиарда гзаф рол кугъвайбур http://lezgi-yar.ru, http://lezgin.ru, http:// xabarar.org /, ucoz.ru/ (Рустам Азимовахъ галаз) и сайтарин админар ва маса интернетдин уртахвиле машгьур инсанар хьана.
Интернетда радиодин гунугриз дестек гайибурун кьиле хайи чlалал рикl алай Седакъет Керимова хьана. Гьакlни адан меслятдив чна “DJ lezginka”-дихъ галаз "Ирид стха" тlвар алай лезги мах эфирдиз акъудна.
-Куь радиодин асул кьетlенвал вуч я?
-Чи макьсад меденият я.Ина  политика, диндин месэлаяр ва идеология авач.
-Куьна интернетда радиодилай гъейри, идара ийизвай шерикрин кlватlалар, группаяр авани?
-Гьелбетда…гьакlни заз кьейд ийиз кlанзава хьи, чаз чи группайрин уртахвилера ва гьамни машгьур жегьилрин социалный сайтара (Facebook, Twitter, Контакт. ру) жуван чинар ава.
Чи фикирдиз даях хьана, www.lezgin.ru сайтинин администратор Алек Дагскийди вичин сайтина чаз чка туькlуьрна. Къе Кцlарин ва гамни муькуь шегьеррин интернет магазинра лезги радиодин дискарин коллекцияр маса гузва.
Радиодай лезги ва  Кавказдин маса халкьарин авазарни ван къведа. Манийрилай гъейри, хайи чIалал передачияр, цlийи хабарар гудай фикир ава чахъ.
Радиодихъ тек са Дагъустанда ва Азербайжанда авай лезгийри ваъ, гьакlни къецепатан уьлквейра- Камбоджада, Украинада, Казахстанда, Турцияда яшамишзавайбуруни  яб акалзава. Им чи виридан гуьгьуьлар шадардай кар хьана.
-Квез и рекье мадни чlехи агалкlунар хьурай!
Дуьня талантри хуьзва лагьайтlа, сир жедач. Къуй ихьтин жегьил талантар мадни гзаф хьурай чахъ.
                                                                                                      Лале Садирова