21 | 11 | 2017
Bölmələr
Axırıncı nömrə

Arxiv
Axtarış
Ən çox oxunanlar
Hava proqnozu
Ziyarətçilərimiz

free counters

Лув це,ислягьвилин лацу лиф!

  Лечет хуьруьн ктабханада Ислягьвилин Югъ къейд хьана.
Ина чара-чара суварриз, кар алай вакъиайриз талукь тедбирар кIелзавайбурун муькьувай иштиракуналди, вини дережада кьиле тухузва.
И йикъара ина хуьруьн мектебдин аялри, муаллимри иштиракзавай нубатдин серенжем дуьняда ислягьвал хьтин актуал са темадиз бахшнавай.
Сифте гаф къачуна рахай ктабханадин филиалдин зеведиш Солмаз Багъишовади Ислягьвилин Югъ арадал атунин тарихдикай ихтилат кудна. Ада лагьана:
-ООН-дин Генассамблеяди 2001-йисуз кьабулай къарардалди, гьар йисан 21-сентябр дуьнядин халкьари Ислягьвилин Югъ хьиз къейдзава. Идан макьсадни сад я: дявеяр акъвазарун, гужунин, зулумдин пис крарикай кьил къакъудун. Дуьняда гьакIни жуьреба-жуьре азарар, каш, яшайишдин четин шартIар себеб яз агъзурралди инсанар пуч жезва. Гьа ихьтин татугайвилерихъ галаз женг чIугуна, вири вилаятрин инсанриз кIвалахдай, асайишвилелди уьмуьрдай шартIар тешкилна канда. Маса халкьар лукIвиле тваз, абурун чилер кьаз, жуван фикир амайбурал гужуналди илитIиз алахъун дуьз туш ва ам садани кьабулдач.
Ктабханадин кIвалахдар Бике Магьмудовади хаин къуншияр себеб яз чи уьлкведи дяведикай чIугунвай азиятрикай, чи чилерин чIехи са пай чапхунчийрин пацук акатнавайдакай, са миллиондив агакьна чи ватанэгьлияр кваликай-къакай хьанвайдакай малумат гана:
-Чи халкьариз дявеяр ва абурун къурбандар тIимил акунач. Гьавиляй къе чи халкь анжах ислягьвилин терефдарар я.
Ахпа мярекат маракълу викторинадалди давам хъхьана. Аялри ислягьвиликай чпин чирвилер къалурна: Ислягьвилин Юкъуз суваррин мярекатрик “Ислягьвилин зенгинайни” сесер акъудзавайди я.
И зенг 60 уьлкведин аялри кIватIай ракьун пулар цIурурна туькIуьрнавайди я.
Адан винелни гзафбуруз малум тир гафар кхьенва: “Вири дуьняда ислягьвал хьурай!”
Ам 1954-йисуз Японияди ООН-диз пишкешайди я ва и тешкилатдин Секретарвилин къвалав гвай гуьрчег багъда эцигнава.
Гьар Ислягьвилин Юкъуз 15 декьикьада ислягьвилин зенг язава, дявейра телеф хьайибур рикIел хкуналди, са декьикьада инсанар кисна акъваззава.
Аялри ислягьвиликай, Ватандикай шиирар, маниярни лагьана.                   

      “КцIар”