Аточамаррин иштиракчияр КцIара

“Лермонтов Кавказда” тIвар алай литературадин авточамаррин иштиракчияр алатай кишдин юкъуз КцIарив агакьна.

Урусрин зурба шаир Михаил Лермонтов дидедиз хьунин 200-йисан юбилейдиз талукь яз Пенза шегьердай кьил кутунвай ергъивал 6 агъзур километр тир и экспедициядин макьсад Кавказда чIехи шаир хьайи виринра кьил акьурун, адаз кIелзавайбурун канивал чирун я.
КцIара Лермонтова йиф авур кIвалин виликни абур гьа къариб ва жегьил Михаил хьиз хшунин вахтунда агакьна. Экспедициядин иштиракчийри Фехреддин Мусаеван тIварунихъ галай куьчеда шаирдин оболескдин вилик цуьквер эцигна.
Мугьманриз хваш-беш авур КцIар райондин културадин ва туризмадин идарадин зеведиш Давид Ибрамхалилова шаир чи районда хьайи 1837-йисуз ина кьиле фейи вакъиайрикай, ам КцIар хуьре илифай хизандикай, таниш хьайи инсанрикай малуматар гана.
Урусатдай атай мугьманри гьакIни Девлетдин Шикилрин Галереядал кьил чIугуна инин цIийи экспозициядиз килигна.
Авточамаррин тешкилатчи ва группадин чехид тир Денис Симонова КцIари чеб миливилелди къаршиламишуниз, къалурай къайгъударвилиз килигна шегьервийриз разивал малумарна.