Гъалибвилиз гьисабай йикъар амай…

– Карантинда ава чун, вавай а ччар почтадалди ракъуриз жедачни?

– Вуч почта, я кIвал къени хьайиди, зун шегьиддин хизандай я, – Уьнуьгъай атанвайди я…

Рак гатазвайдан гуьгъуьнин гафари чи рикIелай пандемияни, карантинни алудна.

Хуьруьн адетдалди чуру тунвай касди вич такьдимна:

-Ашурбег я зи тIвар, жедатIа, и цIарар газетдиз акъуда!

Шегьид лейтенант Серраф Имамалиеван имиди вири 25 яш уьмуьр гьалай жаван    миресдин туькьуьл кьисметдикай ихтилатна:

-Зи мирес, адан хайи бубани вич хьиз жаван, гьа 25 яшинда кечмиш хьайиди, ам чIехи буба Мурадгьесилан кьилив кIвачел акьалтайди я…

8-синиф кутягьунни Жемшид Нахчиванскидин тIварунихъ галай женгинин мектебдик экечIай Серрафа гуьгъуьналлаз и рекьяй кьакьан чирвилерни къачуна.

2016-йисан апрелдин ягъунрин иштиракчи хьайи жаван лейтенантди вич лап четин тапшуругъар кьилиз акъудуниз гьазур, вири жигьетрай взводдин командирвилиз лайих тирди субутнай.

Серрафан кIеретI дяведин сифте йикъарилай лап къизгъин ягъунар физвай, душманди инаддалди атIумар гузвай фронтда-Физули къахчунин женгера хьана. Ина залан хер къачур командир таядиз гьоспиталдив агакьарна, жерягьрилай ам кьиникьдикай хуьз алакьна. Са бубат вич-вичел хтунни  “зун хъсан хъхьанвайди я, аскерри зи рехъ хуьзва”- лагьана.

Гьоспиталда анжах цIуд юкъуз ам хуьз хьана. Ахпа мад сенгердиз хъфена. Гьа йикъара интернетдин соцсетра адан и жумартвиликай кхьизвай: “ихьтин къилих анжах таб, дуст майданда тек тун, абурухъ далу элкъуьриз течир лезгидиз хасди я… Гьоспиталда канзамаз кьван къаткиз гьазур, гуьгъуьналлаз къагьриманвални тIалабдай парабур жагъидай…”

Серраф вичин взводни галаз Шушадин ценерив кьван агакьна. Гьа инал, Гъалибвилиз гьисабай йикъар амайла душмандин снайпердин гуьлледиз туьш хьана.

Дяведилай кьве варз вилик мехъернавай. Анжах вичиз велед, дуьне дегишай бадедиз штул акван кьисмет хьанач.

Чна къагьриман лейтенантдин ими Ашурбег стхади миресдин хциз бахшнавай чIалар дегиш тавуна гузва:

Məktəb yaşlarında seçdiyin bu yol
Haraya apardı, səni ay Sərraf?
Vətən səni seçib özünə oğul
Aldı qucağına, səni ay Sərraf.

Qarabağ uğrunda döyüşən zaman
Qanından, canından keçdin, ay Sərraf
Sevən ürəkləri ağlar qoyaraq
Şəhidlik zirvəsin seçdin, ay Sərraf.

Şəhid-bu ad yüksək, uca, müqəddəs,
Olmur hər kimsəyə nəsib, ay Sərraf
Od-alov içində qazanan bu ad
Mübarək eyləsin Allah, ay Sərraf.

Rəhmət diləyirik ulu tanrıdan,
Qəbrin nurla dolsun, sənin ay Sərraf.

«КцIар»