“Просвещение” фондунин куьмекдалди

Гуьлалийрин Эйваз, “Хкягъяй эсерар”, Магьачкъала, “Мавел”, 2019

Чи тIвар-ван авай шаир, Шарвилидин тIварцихъ галай мукафатдин лауреат Гуьлалийрин Эйвазан цIийи, 400-чиникай ибарат ктаб ам канибуруз, гьакIни 50 йисан юбилейдиз гьазурвилер аквазвай кхьирагдиз вичизни чIехи савкьат я.
Ктаб Дагъустан Республикадин лайих муаллим Магьмуд Абдулкеримован тIварунихъ галай “Просвещение” (“Маариф”) фондунин куьмекдалди басма хьанва.
“Шаирдин кьилин тема Ватан, халкь, хайи чIал я-кхьизва фондунин президент Магьмуд Абделкеримова кIватIалдин сифте гафуна- Гьа и пуд важиб меселадин къене, къулал алай къажгъанда хьиз, маса вири темаяр ргазва: инсанвал, марифатдин дережеяр, гьуьрметни хаинвал, муьгьуьббатни руьгьдин къуват ва икI мад”.
Ктабдик шаирдин лап хъсан шиирар ва гъезелар хьиз, “ТIурфанда йифер”, “Ракьун рикI”, “Чуьнгуьрдин агь” поэмаяр, “Экв” тIвар алай драма акатнава.
“Хкягънавай эсеррин” редактор “Алам журналдин кьилин редактор Къурбаналийрин Камран я. “КцIар”