Ктаб-вири чIаварин хъсан бахшиш

Ктабар гваз-мугьмандиз. “Виридуьнядин Ктаб Багъишдай Югъ” къейдна.

Ктаб, ам кIелун руьгьдин игьтияж я. Анжах виридавай ктабханадиз физ, ктаб къачуна хквез жезвач. Чи арада ахьтин инсанар ава хьи, набутвал, тандин са гьи яз нукьсан себеб яз экъвез, акваз, ван къвез жезвач.

Гуьгъуьнин йисара райондин меркездин ктабханадин системада кьуьзуь, сагъламвал чкадал алачир набут инсанриз гьа чпин яшайишдин чкайра, кIвалера, карханайра, азарханайра къуллугъ авунин проектар кьилиз акъудзава.

Инин кIвалахдарри виликамаз а инсанрин игьтияжар, кIелиз канзавай ктабар, рикI алай чирна ахпа абурал илифзава. Вилериз таквазвайбуруз ван акьялтна кIелни ийизва, республикадин, райондин прессадин чинрай цIийи хабарарни агакьарзава.

2012-йисалай кьил кутуна гьар йисуз 14-феврал “Виридуьнядин Ктаб Багъишдай Югъ” хьиз къейдзава. И тарих аялрин ктабрин сайт туькIуьрнавай американви Эмми Бродмооран тIварунихъ галаз галкIанва.

Райондин Меркездин Ктабханада и къени ниятдин йикъаз талукьарнавай зурба мярекат кьиле фена.

Межлисдин иштиракчияр тир актив кIелчийриз, юкьван мектебрин ва пешедин лицейдин шагирдриз куьнатуй лагьай ктабханадин директор Загьир Мустафаева чи уьмуьрда ктабрин менфятдикай, кIелунин вердишвилериз са   гьиб хьунин рекьерикай гаф кудна, гьич са интернетдивайни ктаб эвез тежезвайди   ди-   къетдив агакьарна.

Мярекатдин мугьманар тир Гьейдар Алиев Меркездин директор Нева Абдурагьмановади, райондин санэпидстанциядин директор Надиршагь Ширинова, дияр чирдай музейдин директор Хатире Нагъибеговади, депутатдин куьмекчи Генерал Садулова, шикилрин галереядин директор Нермине Лачиновади чпин уьмуьрда ктабри къугъвай ролуникай, ктаб кIелуни дуьнякьатIунар хкажуниз ийизвай таъсирдикай ихтилат кудна.

Вири чIавара хъсан бахшиш хьанвай ктабди-гайидазни, къачузвайдазни зурба хвешивилин гьиссер бахшзавайди я. Мярекатдин гуьгъуьна адан иштиракчийри йикъаз талукь миссия кьилиз акъудна: ктабханадин коллективди гъвечIи кIелзавайбуруз, мугьманрини ктабханадин фондуниз чпин