Təbriklər

Играми «кцIарвияр», къе гзаф кьетIен са юбилейдин юкъуз сифте квез рикIин сидкьидай чандин сагъвал ва хци къелем тIалабиз кIанзава. 80 йис идалай вилик чап хьайи “Соцялизмад темпдин” хивез Къуба пата лезги чIалалди акъатзавай сад лагьай газет хьиз гзаф залан пар ва чIехи миссия аватнай. Эхь, ада партия ва гьукуматди вилик тунвай важиб везифайрихъ галаз паралел яз, вичин къеняй акъатнавай талантлу ксар халкьдиз  чируналди, шаир ва кхьирагрин эсерар чапуналди лезги чIал михьи ва авадан авун хьтин къенин юкъузни давам жезвай са процесдихъ кьил кутунай.


Газет чIехи са девир эл-къуьрзавай яргъи йисара чара-чара тIвараралди чап хьанатIани, сифте кьиляй къачур темп явашарнач, халкьдин мурад ва метлебар рикIелай алуднач.
Са шакни авачиз лугьуз жеда: къе лезги чIалалди туькIуьрзавай гьар са касдиз “Гусар КцIар” газет сифте трамплин хьана. Гьавиляй, ам чаз гзаф масан газет я.
«Аламвийри» Видади му-аллим кьилеваз зурба амал ва крариз къадир тир “Гусар КцIар” газетдин гъвечIи коллективдиз мад чIехи агалкьунар тIалабзава!
Жалал ЖАЛАЛОВ,
«Алам» журналдин редактор